Turnfahrt 2011
Am Samstig sind mir bi schönschtem Sunneschii
z’ Egnach am Bahnhof gsi.
Mir sind uf d’Turnfahrt eimol meh
als Gepäck hett meh Rucksack und Täsche gseh.
Id Flumserberg simmer greist mit Zug und Bus,
au di streng Wanderig isch gsi ein Muss
s’Rodle defür de reinsti Gnuss.
Witer über Stock und Stei
Hilfe, do stönd e paar Büffel! Oh wei!
Über d’ Wiese simmer wie de Blitz,
de Rucksack isch elei durab- da isch kein Witz.
Oberhalb am Walesee im Gänsemarsch dur de Wald
bi schönschter Ussicht hemmer gmacht en Halt.
Acho simer ufem Buurehof „Fäscher“,
d’ Olympiade hemmer gstartet no vor em Vesper.
E Quiz, Gummistiefel rüehrä, Isolatore inedreihe…
zum Glück hemmer nöd au no müesse maihä!
Es feins Raclette hemmer gesse
und lang simmer im gmüetliche Stübli gsesse.
Zeme hemmer au Spili gmacht
und debii es paar Tränli glacht.
Im Stroh hend sich fast alli gleit zur Rueh,
grad nebed es paar Saue zue.
Am Morge sind mir erholt verwachet,
hinter de Churfirste hett Sunne füre glachet.
Noch em feine Buurezmorge
hemmer müesse üsi 7 Sache versorge.
Plötzlich denn zimlich im Schuss
hemmer müesse uf de Bus
Heifahrt still und leise.
Danke Jasmin für die schöne Reise!